Koronawirus
enowiny.pl

Miasta

Rybnik
› Żory
› Jastrzębie-Zdrój
› Wodzisław Śląski
› Racibórz
› Region
Ogłoszenia:
  1. Motoryzacja
  2. Mieszkania
  3. Handel
  4. Usługi
  5. Finanse
  6. Praca
  7. Matrymonialne
  8. Dodaj ogłoszenie
28-letni jastrzębianin pędził 160 km na godzinę. Przez siedem kilometrów uciekał przed policją. W plecaku miał broń maszynową, ostrą amunicję oraz kilkanaście gramów narkotyków.
27.05.2020
0
Zgodnie z wytycznymi ministra zdrowia w całym kraju ruszyły zakłady fryzjerskie. Odwiedziliśmy dziś w południe 18 maja salon „Metamorfoza” w Żorach-Rowniu. Okazuje się, że zajęte są już wszystkie terminy... aż do początku czerwca.
18.05.2020
1
Rozmowa z Bartoszem Demczukiem, jednym z czterech Młodych Panów z Kabaretu Młodych Panów
10.05.2020
0
Trudno sobie wyobrazić Rybnik bez Ryfamy. A jednak zakład przy ulicy Chrobrego należący do Grupy Famur postawiono w stan likwidacji. To dzisiejsza (24 kwietnia) decyzja zarządu. Pracę stracą 204 osoby.
24.04.2020
0
Rafał Bernacki, uczeń klasy II w zawodzie technik informatyk Zespołu Szkół Technicznych w Wodzisławiu Śląskim odniósł wielki sukces, zwyciężając w międzynarodowym konkursie Google Code-In
28.05.2020
0
Przewodniczący KEP zachęca biskupów do odwoływania ogólnych dyspens od uczestnictwa w niedzielnych mszach św. Sugeruje, aby utrzymać dyspensę dla osób w podeszłym wieku, osób z objawami infekcji i osób, które czują obawę przed zarażeniem
28.05.2020
0
Jako zrobić prawo ślōnsko palma
Po naszymu
01.04.2020   Region   Po naszymu   Wydanie: 2020/13 (3264)


Nasza starka dycki we pōł lutego szła na zegrōdka coby urznōnć po chłabince ze trześnie, wiśnie, abo tyż ze śliwki, potym to wszyjstek dowała do zbōnka ze wodōm a stawiała we kuchyni na ôknie, bo tam bōło widno a ciepło. Za jakiś czos na tych gałōnzeczkach pokozały sie pōnczki, a potym maluśki, biołe kwiotuszki. S tym to trza bōło utrefić, bo nikedy chłabinki sie rozkwitły kyns przed Kwietnōm Niydzielōm, a palma wyglōndała potym jak ôbsuszōno.


Roz te chłabinki kwiś niy chciały, chocioż urwane były ô czasie, ale jak starka prziniōsła palma ze kościoła, a postawiyła jōm na stōł, to moja ciotka, co kwiotkōm fest przoła a miała nojpiykniyjsze muszkatki we naszyj chałpie, nasuła do wody we wazoniku troszka cukru i ta palma nōm na stole rozkwitła. A co to bōło uciechy! Bo wszyjski sōmsiady łaziyli jōm ôglōndać, a godali, co to cud je! Do palmy dowało sie tyż jałowiec. To je taki krzok ze maluśkimi jegłami. Fest żgo a piyknie wōnio! Moja starka miała taki krzok na zegrōdce, ale inksze baby lotały aż ku Ôsinōm, bo tam były pioski, co ugorym leżały i tam szło taki krzoki znojś. Trza bōło urwać jeszcze, a potym do wody wsadzić kōnsek kokocza, coby listki wypuściył a chocioż troszka ôzielynioł. Ze tym to je nojwiynkszo dzisio staroś, bo mało kery wiy, co to je za krzok. Po polsku mianuje sie „kłokoczka”, a ôgrōmnie piyknie kwitnie we maju. Kejś tych krzōw musiało być u nos wiyncy, bo miyndzy Żorami a Rybnikym leży downiyjszo wieś Kłokocin (po naszymu Kokoczyń). A tak troszka to tyn kokocz je podany na czorny bez, yno kwiotki mo inksze. Kociankōw to se bele kaj natargocie i tych we naszych palmach dycki je nojwiyncy! A potym jeszcze ludzie przidowajōm, co im tam pod rynce wlezie, a zielone je. Jedni godajōm, co we palmie musi być dwanoście zielōnych prōntkōw, a inksi – że styknie siedym. Nasza rybnicko-żorsko palma musi mieć dłōgi sztil, coby bōło potym ze czego robić krziżyki na pola, a bezto wyglōndo troszka jak szkrobaka do zamiatanio.
Telach sie nagodała, a sama poniesa do kościoła yno kocianki swiōnzane szlajfkōm. Bo teroz ni mōm już tela siyły, coby za prōntkami lotać, a modzi czasu ni majōm. Pomaluśku traci sie tyn nasz piykny ôbyczoj, a szkoda! Nojprości je iś do marketu, tam tyż majōm palmy, yno szkoda, że ze drugigo końca Polski, a niy nasze!

PS. Podziynkowani do panoczka Alojza Zimōńczyka za pōmōc we ślōnski korekcie.

Grymlino
Dodaj komentarz

Komentarze

* - pole wymagane

Taki czas prziszoł do nas 2020-04-01 23:56:13
Krisztof
Dzisio trza dać pozor co by dożyc do prziszłych świąt Bożego Narodzynio, a nie martwić sie z czego zrobić palma...
Grymlino. 2020-04-01 14:47:14
Do Krisztofa
Dziynki za komyntorz! Mocie prawie, we kożdyj łokolicy ta nasza palma robiyli troszka inakszy. Ło ścince tyż żech słyszała, u nos nikerzi tyż dowali, bo Żory na bażołach leżały, ale tam strach boło chodzić. Rada bych sie dowiedziała, skond żeście som? Pozdrowiom
Krisztof 2020-04-01 10:15:01
Palma
Do palmy dowało sie tysz prontki lyski, kaliny - oma miała kiesz na zegrotce, kściny po czi prontki, u nos mało fto dowoł jałowiec, ale nikierzi dowali tysz jymioła.
Czytaj także
pokaż więcej
e KULTURA
Rybnik. Miasto z ikrą
Możesz ten artykuł oznaczyć jako przeczytany
enowiny.pl - blok
Nasza sonda
Czy jesteś za zaostrzeniem kar dla pijanych kierowców



Koronawirus Blok

49722,50587,50472,50369,50138,50593,50592,50594,50591,50590,50589,50588,50586,50585,50584,50583,50582,50581,50578,50577,50576,50575,50574,50573,50572,50571,50570,50569,50568,50567,50566,50514,50504,50230,50229,50200,50495,50400,50291,50078,49961,50580,50401,50293,50188,50080,44450,44340,44173,43982,43745,41464,41185,41139,41093,40871,46258,46120,46045,46031,46034